Ráfi čoavdda -bálkkašupmi

Ráfi huksemii dárbbašit unna daguid ja mearrádusaid, servoša huksema ja bajásdoallama. Ráffi ii huksejuvvo dušše fal ráfibevddiin, muhto ráffi dárbbaša daguid buot dásiin ja juohkebeaivválaš árggas.

Árgga ráfihuksejeaddjit ánssášit eanet dovddastusa. Danin CMI – Martti Ahtisaari Peace Foundation lansere Ráfi čoavdda -bálkkašumi. Dan válljejit searvvuš ja CMI válljen doaibmi, gean unna dagut leat huksen birrasii suvdilis, olmmošlaš ráfi.

Jagi 2023 bálkkašupmi geigejuvvo skuvlamáilmmi doaibmái, oahpaheaddjái dahje oahppolágádussii, mii lea doaimmaidisguin ovddidan ráfi doaibmanvugiid ja vuoiŋŋa.

Oahpaheaddjit ja eará skuvlamáilmmi doaibmit leat ovddemus ráiddus hukseme vuođu suvdilis ja olmmošlaš ráffái. Bálkkašupmi geigejuvvo skuvlamáilmmi doaibmái áiggis, goas konflivttaid čoavdinmáhttui lea ain eanet dárbu. Válljen lea maiddái lunddolaš joatkka CMI Ahtisaari-beivviid skuvlaovttasbarggu árbevirrui.

Jagi 2023 válljemis deattuhit daguid, mat laktásit vuogáidahttimii ja gulahallama ovddideapmái. Dát sáhttá mearkkašit ovdamearkka dihte barggu, man skuvllat dahket mánáiguin, geat leat boahtán konfliktaguovlluin dahje ovdamearkka dihte rahčama dorvvolaš sajiid huksemii.

CMI lágida jagi 2023 gilvvu ovttasbarggus Oahpahussuorggi ámmátlágádusain (OAJ). Bálkkašupmeráđis leat mielde CMI ja OAJ ovddasteaddjit, nuorra ovddasteaddji oahpaheaddjeoahpu servošis, ja ovddasteaddji, gii lea bargan ovdal oahpaheaddjin. Bálkkašupmeráđi dárkilut ovddasteaddjit almmustahttojit cuoŋománus 2023.

Bálkkašupmeráđi čállin bargá CMI Ahtisaari-beivviid áššedovdi Aino Niskala.

Ráfi čoavdda -bálkkašumi suomagillii / ruoŧagillii.

Kritearat

Ráfi čoavdaga dábálaš geigenprinsihpat

1. CMI Ráfi Čoavdda geigejuvvo doaibmái, man dagut leat huksen birrasii suvdilis ráfi
2. Čoavdaga oažžu lea ovddidan doaimmaidisguin ráfi doaibmanvugiid ja vuoiŋŋa
3. Daguid ovddideami plánet, dat leat suvdilat ja dain lea ulbmil
4. Doaibmi lea hutkan iežas innovašuvnnaid dahje ođđa vugiid, mat veahkehit servoša viidát.

2023 Vuođđooahpahusa dahje nuppi ceahki doaibmi, oahpaheaddji, oahppigoddi, skuvla dahje oahppolágádus, mii lea doaimmaidisguin ovddidan ráfi doaibmanvugiid ja vuoiŋŋa.

1. Bálkkašumi oažžu lea bargan ealjárit ja roahkkadit, vai ovddidivččii doaimmaidisguin ráfi doaibmanvugiid ja čovdosiid servošisttis. Dát lea sáhttán leat ovdamearkka dihte riidoáššiid čoavdimii guoskevaš bargu dahje dagut, mat ovddidit servoša ollislaš buresbirgejumi. Dehálaš lea konkrehta nuppástus.
2. Bálkkašumi oažžu lea lihkostuvvan movttiidahttit doaimmaide servoša buot lahtuid, nu mo ohppiid, studeanttaid, oahpaheddjiid, bargiid ja fuolaheddjiid.
3. Bálkkašuvvon doaibma ollašuhtto servoša iežas dárbbuid mielde, ja dan lahtuin lea aktiiva rolla doaimma ollašuhttimis ja ovddideamis.
4. Bálkkašumi oažžu láhčá dorvvolut sajiid ja ođđa vugiid, mat nannejit ráfi ja dialoga.
5. Bálkkašumi oažžu doaimmat ja árvvut leat váikkuhan positiivvalaččat skuvlla dahje oahppolágádusa árgii.

Evttot Ráfi čoavdda -bálkkašumi oažžu maŋimustá 15.5.

Gii du mielas galggalii oažžut Ráfi čoavdda -bálkkašumi? Ákkastala iežat válljejumi friddja skoviin. Skovvi gávdno maiddái suomagillii ja ruoŧagillii.

Oktavuohtadieđut

Aino Niskala, áššedovdi, Ahtisaari-beaivvit
+358 40 7594142, aino.niskala@cmi.fi