Jagi 2023 Ráfi čoavdda -bálkkašupmi skuvlasuorggi doaibmái – evttot bálkkašumi oažžu
CMI – Martti Ahtisaari Peace Foundation lansere Ráfi čoavdda – bálkkašumi, mii geigejuvvo jagi 2023 skuvlasuorggi doaibmái. Evttohusaid bálkkašumi oažžun bivdit maŋimustá 15. miessemánu.
Ráfi huksemii dárbbašit unna daguid ja mearrádusaid, servoša huksema ja bajásdoallama. Ráffi ii huksejuvvo dušše fal ráfibevddiin, muhto ráffi dárbbaša daguid buot dásiin ja juohkebeaivválaš árggas.
Árgga ráfihuksejeaddjit ánssášit eanet dovddastusa. Danin CMI – Martti Ahtisaari Peace Foundation lansere Ráfi čoavdda -bálkkašumi, mii juhkkojuvvo jahkásaččat riikkaidgaskasaš ráfibeaivve 21. čakčamánu. Bálkkašumi oažžu iežas servoša doaibmi, gean unna dagut leat huksen birrasii suvdilis, olmmošlaš ráfi.
Jagi 2023 bálkkašupmi skuvlasuorggi doaibmái – ohcanáigi 15.5. rádjái
Jagi 2023 bálkkašupmi geigejuvvo skuvlamáilmmi doaibmái, oahpaheaddjái dahje oahppolágádussii, mii lea doaimmaidisguin ovddidan ráfi doaibmanvugiid ja vuoiŋŋa.
”Oahpaheaddjit, oahppolágádusat ja eará skuvlasuorggi doaibmit leat ovddemus ráiddus hukseme vuođu suvdilis ja olmmošlaš ráffái. CMI Ahtisaari-beivviid skuvlaovttasbarggus mii oaidnit, mo dábálaš eahpesihkkarvuohta lea lasihan konflivttaid ja dárbbu konflivttaid čoavdinmáhttui maiddái skuvllain ja oahppolágádusain. Skuvlasuorggi doaibmit ánssášit dovddastusa ealjáris barggusteaset ráfi ovdii,” muitala Janne Taalas, CMI fitnodatjođiheaddji.
CMI lágida jagi 2023 gilvvu ovttasbarggus Oahpahussuorggi ámmátlágádusain (OAJ).
Dán jagi válljemis deattuhit daguid, mat laktásit vuogáidahttimii ja gulahallama ovddideapmái. Dát sáhttá mearkkašit ovdamearkka dihte barggu, man skuvllat dahket mánáiguin, geat leat boahtán konfliktaguovlluin dahje ovdamearkka dihte rahčama dorvvolaš sajiid huksemii.
OAJ lea ilus go beassá ovttasbargat CMI:n historjjá vuosttaš Ráfi čoavdda -bálkkašumi geigemiin.
– Lea dehálaš, ahte oahpaheddjiid bargu boahtá oidnosii. Skuvllat vuostáiváldet buot servodaga albmonemiid ja ovdamearkka dihte Ukraina soahti lea oidnon skuvllaid árggas konkrehtalaččat, nu ahte dohko leat boahtán soađis báhtareaddji oahppit. Oahpaheaddjit barget juohke beaivve hui dehálaš barggu ráfi ovdii geavatlaš doaimmaiguin. Sii maiddái integrerejit konfliktaguovlluid ohppiid oahpahussii ja suopmelaš skuvlabirrasii, OAJ ságajođiheaddji Katarina Murto deattuha.
Ráfi čoavdda – bálkkašupmeohcan lea rabas buot Suoma skuvllaide ja nuppi ceahki oahppolágádusaide. Bálkkašumi ohcanáigi lea 15.3.–15.5 ja ráđđi vállje vuoiti geassemánus 2023.
Loga eanet bálkkašumi birra ja evttot bálkkašumi oažžu: Ráfi čoavdda -bálkkašupmi – CMI
Lassedieđut:
Aino Niskala, áššedovdi, CMI Ahtisaari-beaivvit
+358 40 7594142, aino.niskala@cmi.fi
Tietoa suomeksi: Rauhan avain -palkinto – CMI
Information på svenska: Fredsnyckel -priset – CMI